Салауатты өмір салтын насихаттау мақсатында кітапханада «45+ Денсаулық мектебі» атты өзіне деген жақсы қарым-қатынас сағаты өткізілді.
Іс-шара барысында қатысушылар денсаулықты сақтау жолдары, дұрыс тамақтану қағидалары, қозғалыс белсенділігінің маңызы және жағымды ойлаудың адам өміріндегі рөлі туралы өзара пікір алмасты. Кездесу денсаулыққа жауапкершілікпен қарау мәдениетін қалыптастыруға және белсенді өмір салтын ұстануға бағытталды.
Кітапханашы Мельничук Л.С. «Жаны саудың – дені сау» / «Здоровые телом – сильные духом» атты кітап көрмесіне шолу жасап, денсаулықты нығайту, салауатты өмір салтын қалыптастыру және ұзақ белсенді өмір сүру тақырыптарына арналған әдебиеттерді таныстырды.
Сонымен қатар, «Салауатты ұрпақ» клубының жетекшісі ретінде Л.С. Мельничук әйелдер үшін спортпен шұғылданудың маңыздылығы, дене белсенділігінің денсаулықты нығайтудағы рөлі және клуб сабақтарына тұрақты қатысудың пайдасы туралы әңгімеледі. Қатысушылар өздерін қызықтырған сұрақтарын қойып, пайдалы кеңестер алды.
Кітапханада саяси қуғын-сүргін, жер аудару мен ашаршылық құрбандарын еске алу күніне арналған «Зұлмат жылдар шежіресі» тарихи шолу өтті.
Тарихи шолу барысында қатысушылар сол жылдардағы маңызды оқиғалар мен деректермен танысып, қиындыққа қарамастан үмітін жоғалтпаған жандардың қайсарлығы туралы мәлімет алды.
Өткенді ұмытпау – болашақ үшін маңызды.
2026 жылғы 23 сәуір – Ұлттық кітап күніне орай Октябрь ауылдық модельді кітапханасында оқырмандар арасында кітап оқуды насихаттауға және оқырман белсенділігін арттыруға бағытталған «Оқырман және кітап: жан дүниенің сұхбаты» атты оқырман бенефисі өткізілді. Осы іс-шараға қатысу үшін, біз Железнодорожный жалпы білім беретің мектептің мұғалім және оқушыларың шақырдық.
Бұл күні кітапханамыздың ең белсенді оқырмандарының бірі – Нагорных Галина Васильевна құрметке ие болды. Ол өзінің оқырмандық талғамы, сүйікті авторлары мен шығармалары туралы айтып берді.
Сондай-ақ баласы мен немересіне кітап оқуға деген сүйіспеншілікті қалай дарытқанымен бөлісті. Оқу оның өмірінде қандай маңызды орын алатынын да атап өтті.
Іс-шараның жас қонақтары үшін «Кейіпкерді тап» атты визуалды ойын өткізілді. Балаларға проектор арқылы ұсынылған үзінділер бойынша кітаптың атауын және авторын табу тапсырылды. Кейін қонақтар Ұлттық кітап күніне орай ұйымдастырылған кітап көрмесімен танысты.
Іс-шара жылы әрі достық атмосферада өтті. Қатысушылар белсенділік танытып, қонаққа сұрақтар қойып, өздерінің оқуға деген қызығушылықтары мен әсерлерімен бөлісті.
2026 жылғы 19 мамырдан бастап Октябрь ауылдық модельді кітапханасында дәстүрлі түрде ұйымдастырылатын «Кітап сыйла – білім тарат» буккроссинг акциясы өз жұмысын бастады.
Акцияның негізгі мақсаты – кітап оқуды насихаттау, оқырмандардың әдебиетке деген қызығушылығын арттыру және кітаптармен еркін алмасу мәдениетін дамыту.
Акция аясында оқырмандар өздерінің оқып шыққан кітаптарын әкеліп, оларды өздерін қызықтырған басқа басылымдарға алмастыра алады. Қатысушылар ұсынылған әдебиеттермен танысып, сүйікті авторлары мен шығармалары туралы пікір алмасуға мүмкіндік алады.
«Кітап сыйла – білім тарат» акциясы жылы әрі достық атмосферада өтіп, кітапқа деген сүйіспеншілікті арттыруға, оқырмандар арасындағы қарым-қатынасты нығайтуға және жаңа әдеби туындыларды танып-білуге ықпал етеді.
Акция жазғы кезең бойы жалғасады және барлық кітапсүйер қауымды қатысуға шақырады.
15 наурыз – Қайырымдылық күніне орай Октябрь ауылдық модельді кітапханасы «Қарамырза» ауыл мешітінің имамы Ахметжанов Айбекпен бірлесіп ауыл тұрғындары арасында «Жақсылық жасау – жүректен» атты ізгі істер акциясын өткізді.
Акцияның басты мақсаты – мейірімділік, жанашырлық пен өзара көмек көрсету құндылықтарын насихаттау. Шара барысында көмекке мұқтаж жандарға қолдау көрсетіліп, ауыл тұрғындары қайырымдылықтың маңыздылығы туралы ой бөлісті.
Осындай игі іске атсалысып, қолдау көрсеткен барша мейірімді жандарға шынайы алғысымызды білдіреміз.
Жақсылық жасау – әр адамның жүрегінен басталады!
2026 жылғы 2 наурызда Октябрь жалпы білім беретін мектебінде қазақтың аса көрнекті ағартушысы, педагогы, жазушысы, этнографы, фольклоршысы, қоғам қайраткері Ыбырай Алтынсариннің туғанына 185 жыл толуына орай «Әліппеден басталған ағартушылық. Просветитель, начавший путь с букваря» атты әдеби-танымдық, тәрбиелік бағыттағы кездесу-диалог іс-шарасы өткізілді.
Іс-шара Октябрь ауылдық модельді кітапханасының кітапханашылары мен Октябрь жалпы білім беретін мектебінің мұғалімдері бірлесіп ұйымдастыруымен өтті.
Қазақ поэзиясында ана тақырыбын биікке көтерген, жүрекке жылу, жанға шуақ сыйлаған ақын, қоғам қайраткері Мариям Хакімжанованың туғанына 120 жыл толуына орай «Жыр анасы» атты әдеби тағзым кеш өтті.
Ана – өмірдің бастауы, мейірімнің мәңгілік символы. Ал Мариям Хакімжанова – сол аналық мейірімді жырға айналдырған қазақтың біртуар ақын қызы.
«Бір ел – бір кітап – 2026» республикалық акциясы/ Республиканская акция «Одна страна – одна книга – 2026»
Құрметті оқырмандар!
Республикалық «Бір ел – бір кітап» акциясы – еліміздің рухани мұрасын насихаттауға және оқу мәдениетін қалыптастыруға бағытталған маңызды мәдени жоба. Акция аясында жыл сайын қазақ әдебиетінің көрнекті өкілдерінің таңдаулы шығармалары іріктеліп, қалың оқырманға кеңінен ұсынылады.
Аталған акция аясында халық жазушысы Қабдеш Жұмаділовтің «Тағдыр» романы 2026 жылдың кітабы болып таңдалды.
Барша оқырмандарды «Бір ел – бір кітап» акциясына белсене қатысып, терең мазмұн мен рухани тағылымға толы Қабдеш Жұмаділовтің шығармаларымен танысуға шақырамыз!
Кітап оқиық, ойлайық, бірге дамыйық!
2026 жылғы 4 ақпанда Октябрь ауылдық модельді кітапханасында, қазақ поэзиясының заңғар ақыны Мұқағали Мақатаевтың туғанына 95 жыл толуына орай шығармашылығына арналған «Мұқағали әлемі: жырмен өрілген ғұмыр» атты ақын бенефисі өтті.
Іс-шара барысында ақынның өмірі мен шығармашылық жолы таныстырылып, өлеңдері оқылып, әндер орындалды. Кешке қатысқан жастарға арнайы дайындалған «Жырмен өрілген ғұмыр» атты буклет таратылып, «Мұқағали – мәңгілік жыр» атты кітап көрмесімен таныстырылды.
Кеш соңында қатысушылар «Мұқағали Мақатаев поэзиясы қандай әсер қалдырды?», «Қазіргі жастар үшін ақын шығармашылығы маңызды ма?», «Қай өлеңі немесе өлең жолдары ерекше әсер етті?» деген сұрақтар төңірегінде өз ой-пікірлерімен бөлісті.
Қазақ поэзиясында ана тақырыбын биікке көтерген, жүрекке жылу, жанға шуақ сыйлаған ақын, қоғам қайраткері Мариям Хакімжанованың туғанына 120 жыл толуына орай «Жыр анасы» атты әдеби тағзым кеш өтті.
Ана – өмірдің бастауы, мейірімнің мәңгілік символы. Ал Мариям Хакімжанова – сол аналық мейірімді жырға айналдырған қазақтың біртуар ақын қызы.
